عندما زارنا ابن مجدليا البار يوسف ايليا بعيني في استراليا 2023
ـ1ـ
يوسف بعيني إجا
تا يفرّح المشتاق
إبن عيله بغنّجا
بالشعر.. بالأخلاق
وإبن ضيعه متوّجا
بالمجد.. بالأشواق
حروف إسمِك بالهجا
يا مجدليا عتاق
دقّات قلبي مبرمجا
ع حب أهلك بالهجر
والبعد ما بينطاق
ـ2ـ
يوسف إيليا مرحبا
يا رفيق إيّام الصبا
إيّامنا غناني حلا
بالحب كنّا نكتبا
وكلما نقلّك يا هلا
الدمعات لازم نسكبا
فرحة قلوب مكللا
بـ طلتك.. ما أهيبا
إسمك إذا ذكرنا صلا
وكاسك منرفع للعُلى
وهيك المحبه منشربا
ـ3ـ
يرحم ترابو والدك
عم تشبهو بضحتك
بْذِكْر الأهل ما أسعدك
منن شربت محبتك
مهما السنين تبيعدك
عنا.. بتبقى صورتك
بعيوننا تا نخلدك
منشان نسمع كلمتك
وكل ما عْتِقِتْ منجددك
ومنقول جمله بتسعدك
يرحم الأم الربتك
**
يوسف ايليا بعيني
يوسف ايليا بعيني
تعرفت عليه من جديد
الحب اللي بينو وبيني
معتق متل قناني نبيد
امو زهره بجنينه
الله يرحمها ويزيد
وبيو مفضل.. يا عيني
فضلو عليي بالتأكيد
صعبه اوفيهن ديني
محبتهن بتجيب العيد
**