علي بزي

الى صديق الغربة الدكتور علي بزي

شربل.. علي.. ولاد السنه

بالواحد وخمسين

دكتور أغلى من الدني

مع شاعرو المسكين

رفقة عمر

بغربة قهر

وسنين تطوي سنين

**

علي بزّي وبس

رَحْ خَبِّرْكُنْ خَبْرِيِّهْ

عَنْ شَخْصِ بْعِدُّو خَيِّي

إِسْمُو عَلِي بَزِّي وْبَسّْ

عِنْدُو ضِحْكِه مِتْلِ الشَّمْسْ

وْحَنُونِ كْتِيرْ عْلَيِّي

طَبِيبْ أَسْنانِ وْمَحْبُوبْ

فِرْحِتْ بِدَعْساتُو دْرُوبْ

قالُوا عَنُّو إِشْيا كْتِيرْ

خِلِقْ تا يْسَاعْدِ الْفَقِيرْ

صَفَّى يِسْكُنْ بِ لِقْلُوبْ

عَلِي بَزِّي جْنُوبِي الرُّوحْ

لاكِنْ عَ الْعالَمْ مَفْتُوحْ

مِنْ بِنْتِ جْبَيْلِ وْسِيدْنِي

ضِحْكِةْ سِنُّو بْتِسْعِدْنِي

سَاكِنْ بِالْقَلْبِ وْبِالرُّوحْ 

**