جاري وخيي
ـ1ـ
جاري وخيّي عَ الميليْن
يا ما مسَّحْلي دموعي
الحبّ اللي بْقلبو من وين
جابو؟.. تا يضوّي شموعي
ـ2ـ
عنّي ما بْيِبْعد مترين
جورج الساكن بربوعي
لمّا بشوفو بخلّي العين
ترقِّص قلبي بضلوعي
**
تماني وسبعين
ـ1ـ
يا خيي تماني وسبعين
سنه، وبعدك شب زغير
حدّك مرا متلا مين
انطونيت القلبا كبير
وريتا وجورجيت.. خرستين
ونووا وأيدن معْ لورين
أحلى منّن ما بيصير
ـ2ـ
يا جورج بعيني الإيام
ما بتنعد بساعاتا
الفرحه بتفبرك أحلام
مهما تطول غفواتا
بعيد ميلادك رح هنيك
وهني الغربه وبلادك
"الكرسمس" جايي يلاقيك
ويدمج يسوع المسيح
ميلادو معْ ميلادك