ألقيت في واحد وعشرين مارك حنا أبي خطّار
ـ1ـ
يا مارْك.. يَللّي بَعرفَكْ
مِنْ ساعِةْ اللِّي كِنْت
بِـ مِجِدْلَيَّا بْحَلّفَكْ
صون الأَمانِه الْـ صِنْتْ
وْمَهْما الرُّجُولِه تِخطْفَكْ
وِتْهَفِهْفَكْ.. وِتْنَضّفَكْ
هالعيلة الـ بِتْشَرّفَكْ
بْتِنْهانْ هِيِّي!.. انْهَنْتْ
ـ2ـ
عَيْلِه عَظِيمِه عَيلِتَكْ
لا تْخافْ مِنْ إِنْسانْ
بْتِمْشِي وْرَافِعْ رايتك
راضِعْ تَقَى وْإِيمانْ
مِنْ أُمّ لِمِّنْ رَبّتَكْ
زَرْعِتْ بِـ إِيدا مْحَبّتَكْ
لِلْصَاحْبُوك.. لْضَيعْتَكْ
وِلْمَوْطَنَكْ لُبْنانْ
ـ3ـ
شُو بْخَبْرَك عَنْ مَوْطَنَكْ
عَنْ مَصْيَف الأَرْزاتْ؟
الْـ بِيحِبّ إِنُّو يِحْضنَكْ
وِيْسَمِّعَكْ أَبْياتْ
حاببْ بقَلْبُو يْسَكّنَكْ
وِبْكمْ دَمْعَه يِعْجنَكْ
وْإِبْنُو.. حَبيبُو يِعلنَكْ
وِتْجِنّ سَهْرِيَّاتْ
ـ4ـ
قَتْلُوهْ.. أَللَّـه يِقْتِلُنْ
ما فِي حَكِي يِنْقَالْ!
سْنِينُو.. ما قِدْرِت تِحْمِلُنْ
عُمْر الْحرْب أَجْيالْ
وْعَ طُولْ عَمّ نْدَلّلُنْ
نْزَقِّفْ إِلُنْ..
نِدْفَعْ إِلُنْ
بْمالَكْ وْمالي نْرَسْمِلُنْ
تا نِنْقِتِلْ بِالْمالْ
ـ5ـ
لُبنانْ.. عَلّي رَايْتُو
وْخَبِّرْ عَ طُول حْكايْتُو
شَمْسَكْ.. إِذا بِتْصَبِّحَا
بِغُربْتَكْ.. لا تِجْرَحَا
حْمِلْهَا وْغَيِّرْ مَطْرَحَا
مْن بْدَايْتُو لِنْهايْتُو
خَلِّي الشَّمْس مْرايْتُو
**